សូមជួយស៊ែរផង! អ្នកទោស៥នាក់ លួចរត់ចេញពីពន្ធនាគារខេត្តកណ្ដាល ចាប់បានវិញម្នាក់ ៤នាក់ទៀតរត់គេចខ្លួន ដោយពួកគេពាក់ព័ន្ធនឹងករណី…

(កណ្ដាល)៖ ទណ្ឌិតចំនួន៥នាក់ ដែលត្រូវបានឃុំខ្លួន នៅពន្ធនាគារខេត្តកណ្តាល បានលួចរត់ចេញពីគុក នៅវេលាម៉ោង១០យប់ថ្ងៃទី០៩ ខែមករា ឆ្នាំ២០២១ ប៉ុន្តែភ្លាមៗនោះ ម្នាក់ក្នុងចំណោមពួកគេ ត្រូវបានសមត្ថកិច្ចចាប់ខ្លួនបានវិញ។​ តាមការអោយដឹងពីមន្ត្រីឆ្មាំពន្ធនាគារខេត្តកណ្តាល អោយដឹងនៅព្រឹកថ្ងៃទី១០មករានេះថា៖

ពេលនេះសមត្ថកិច្ចកំពុងតាមចាប់ទណ្ឌិត៤នាក់ ទៀតដែលកំពុងរត់គេចខ្លួននោះ ក្នុងចំណោមទណ្ឌិតទាំង៤នាក់នោះ មានម្នាក់ត្រូវបានផ្តន្ទាទោសពាក់ព័ន្ធនឹងករណី.គ្រឿង.ញៀ.ន និង៣នាក់ទៀតពាក់ព័ន្ធនឹងករណីលួច និងលួចមានស្ថានភាពទម្ងន់ទោស។ ជុំវិញ​ករណីនេះ បើមានព្រឹត្តិការណ៍វិវឌ្ឍន៍​យ៉ាងណានោះ យើងនិងជូនដំណឹងបន្តទៀត៕