ក្មេង​តូច​ដេក​ក្នុង​អង្រឹង​ក្រោមផ្ទះ​ លុះនាងស្រែកយំ​ ​នាំគ្នា​រត់មកមើល​ ស្រាប់តែបែកធ្លាយបុរសម្នាក់នេះ…

(ត្បូងឃ្មុំ)៖ បុរស​​ម្នាក់​បាន​ចាប់​បង្ខំសេពសន្ថវៈក្មេង​ស្រី​ទើបតែ​​មាន​អាយុ​២​ឆ្នាំ​ដែល​កំពុង​ដេក​នៅ​ក្នុង​អង្រឹង​ក្រោមផ្ទះ​ ​លុះ​ក្មេងស្រី​​រង​គ្រោះ​​ស្រែកយំ​ទើប​បង្ក​ឲ្យ​មានការ​ភ្ញាក់ផ្អើល​ដល់​អ្នក​ជិតខាង​នាំគ្នារត់មកមើលទើបដឹង និង​បញ្ជូនក្មេងស្រីរ.ងគ្រោះទៅសង្គ្រោះនៅមន្ទីរពេទ្យ ហើយ​បុរស​​ជាជនសង្ស័យ​រូប​នោះ​ក៏​ត្រូវ​បាន​កម្លាំង​សមត្ថកិច្ច​ធ្វើការ​ឃាត់ខ្លួន​ផង​ដែរ។ ហេតុការណ៍​​ខាងលើ​នេះ​បាន​កើតឡើង​កាលពីវេលា​ម៉ោង​១១ព្រឹក​ថ្ងៃទី​​​១៤ខែធ្នូឆ្នាំ​២០២០ នៅ​ស្រុក​ត្បូងឃ្មុំខេត្តត្បូងឃ្មុំ​។ លោក​ សេង មិ អធិការរង​នគរបាល​ស្រុក​ត្បូងឃ្មុំ​ប្រប្រាប់ឲ្យដឹង​ថា​​ ជនសង្ស័យ​ឈ្មោះ ​ភាន ភ័​ណ ភេទ​ប្រុស ​អាយុ​២៧​ឆ្នាំ ​រស់​នៅ​ភូមិ​-​ឃុំ​កើតហេតុ​​ខាងលើ​​។ ចំណែកក្មេងស្រីរងគ្រោះ ទើបមានអាយុ​​​២ឆ្នាំ។​ លោក​អធិការរង​នគរបាល​ស្រុក​ត្បូងឃ្មុំ​ប្រាប់​ឲ្យ​ដឹង​បន្ត​ថា​​ មុនពេលកើតហេតុ ​ខណៈ​​ពេល​ដែល​ម្ដាយ​ក្មេងស្រីរងគ្រោះ​​ចេញ​ទៅ​ស្រែ​​ ក៏​ទុក​កូនស្រី​ផ្ញើ​នឹង​អ្នក​ជិតខាង​ដែល​ជា​ជន​​សង្ស័យ​​​​ខាងលើ​ឲ្យ​ជួយ​មើល​ ដោយ​ស្ត្រីជាម្តាយក្មេងស្រីរងគ្រោះ​នឹក​ស្មានថា​មិន​មានរឿង​អ្វី​កើតឡើង​ឡើយ​។ លោក​អធិការរង​នគរបាល​ស្រុក​ត្បូងឃ្មុំ​បាន​ប្រាប់​បន្ត​ថា លុះ​​នៅ​ពេលវេលា​ម៉ោង​​កើតហេតុ​ខាងលើ ជន​សង្សយ​​រូបនោះ​ក៏​បាន​ធ្វើ​សកម្មភាព​ចាប់បង្ខំសេពសន្ធវៈ​​កុមារី​រង​គ្រោះ​​ដែលកំពុង​ដេកលើអង្រឹង​នៅ​ក្រោមផ្ទះ​ទាំង​កំរោល​ ​ជា​ហេតុ​ធ្វើ​ឲ្យ​ក្មេង​ស្រី​រង​គ្រោះ​ស្រែកយំ​​បង្ក​​ឲ្យ​ភ្ញាក់ផ្អើល​ដល់​អ្នក​ជិតខាង​នាំ​គ្នារត់​​មក​មើល​ រួច​​បញ្ជូនក្មេងស្រីរងគ្រោះ​​​ទៅ​​ពិនិត្យ​​នៅ​មណ្ឌល​សុខភាព​ឃុំ​អ​ញ្ចើ​ម​ និង​បញ្ជូន​បន្ដ​ទៅ​មន្ទីរពេទ្យ​បង្អែក​ស្រុក​ពញាក្រែក។ លោកអធិការ​រងនគរបាលស្រុកត្បូងឃ្មុំ​បាន​បន្តទៀត​ថា នៅថ្ងនៅថ្ងៃទី១៥ ខែធ្នូ ឆ្នាំ​២០២០ ក្រោយពី​​ទទួល​ពាក្យបណ្ដឹង​ពី​ស្ត្រី​ឈ្មោះ​ ឈឿ​ន ស្រ៊​ន់ អាយុ​៣៥​ឆ្នាំ ​ត្រូវជា​ម្ដាយបង្កើត​​របស់​ក្មេង​ស្រី​រ.ង​គ្រោះ​រួចមក ​កម្លាំង​ជំនាញ​នៃ​អធិការដ្ឋាន​នគរបាល​ស្រុក​ត្បូងឃ្មុំ​សហ​ការណ៍​ជាមួយ​កម្លាំង​ប៉ុស្តិ៍​នគរបាល​រដ្ឋបាល​អ​ញ្ចើ​ម ចុះ​មកដល់​កន្លែង​ហេតុ​ធ្វើការ​ស្រាវជ្រាវ ដោយ​បានការ​ឯកភាព​ពី​លោក​ឧត្តមសេនីយ៍​ស្នងការ និង​បានការ​ឯកភាព​ពី​លោក​ ទៀវ ពណ្ណរាយ ព្រះរាជអាជ្ញា​រង​អម​សាលាដំបូង​ខេត្ត​ត្បូងឃ្មុំ ដោយ​បាន​ឃាត់ខ្លួន​ជនសង្ស័យ​ខាងលើ​បញ្ជូន​មក​អធិការ​នគរបាល​ស្រុក​ត្បូងឃ្មុំ ដើម្បី​សួរនាំ​។ លោកអធិការរង​នគរបាល​ស្រុក​ត្បូងឃ្មុំ​បញ្ជាក់​ថា ​រហូត​មក​ដល់​ព្រឹក​ថ្ថ្ងៃទី១៦ ខែ​ធ្នូ ​ឆ្នាំ​២០២០​​ កម្លាំង​ជំនាញ​ព្រហ្មទណ្ឌ​ស្រុក​បាន​បន្ត​ចុះ​ធ្វើការ​ស្រាវជ្រាវ​ដល់​ផ្ទះ​កើតហេតុ​បន្ថែម​ទៀត​​ចំណែក​ប្រពន្ធ​របស់​ជន​​សង្ស័យ​នៅ​​ថ្ងៃ​កើត​​ហេតុ​​ក៏​មិន​បាន​នៅផ្ទះ​ ដោយ​ចេញ​ទៅ​ខាងក្រៅ​បាត់​។​ បច្ចុប្បន្នជនស.ង្ស័.យ​​​ខាងលើ​​នេះ​ត្រូវ​បាន​កម្លាំង​​ជំនាញ​កសាង​សំណុំរឿង​បញ្ជូន​ទៅ​ឲ្យ​តំណាង​អយ្យការ​អម​សាលាដំបូង​ខេត្ត​ចាត់ការ​តាមច្បាប់៕